Velipoke Song Lyrics – True Lover (2024) | Sathyaprakash

‘వెళిపోకే‘ పాట యొక్క లిరిక్స్‌ను (Velipoke Song Lyrics) ఈ పోస్ట్‌లో అందించడం జరింగింది. ఇది 2024లో విడుదలైన ట్రూ లవర్ (True Lover) అనే తెలుగు డబ్డ్ సినిమాలోనిది. మణికందన్, తమిళ చిత్ర పరిశ్రమలో పనిచేస్తున్న ప్రముఖ భారతీయ స్క్రీన్ రైటర్ మరియు నటుడు. ఈయన పేరు చాలామందికి తెలియపోవచ్చు కానీ ఇతను తన పాత్రల ద్వారా క్రియేట్ చేసున్న ఇంపాక్ట్ మాత్రం చాలానే ఉంది. ముఖ్యంగా ఇతను తమిళ సినీరంగానికి చెందిన వ్యక్తి అయిన కూడా మన తెలుగువారిలో ఇతను తన సహజ నటనతో చాలామంది అభిమానులను సొంతం చేసుకున్నాడు. ఇతను ప్రత్యేకంగా “జై భీమ్” సినిమాలో రాజకన్నుని పాత్రలో ఆయన అందించిన ప్రదర్శన విమర్శకుల ప్రాధాన్యతను సంపాదించింది, అది ప్రేక్షకుల హృదయాల్లో ప్రత్యేక స్థానం పొందింది. తర్వాత గుడ్ నైట్ (2023) సినిమాలో అతని నటన కూడా ప్రేక్షకులను బాగానే ఆకట్టుకుంది.

మణికందు సినీ ప్రస్థానం ఎనా మొదలయిందంటే, ఇతను ఒక ప్రముఖ రియాలిటీ కామెడీ షోలో పాల్గొనడం ద్వారా బాగా పేరు పొందాడు, అక్కడ అతను సీజన్‌లో రన్నరప్‌గా నిలిచాడు. ఈ అనుభవం తరువాత, మణికందన్ ఒక FM ఛానెల్‌లో రేడియో జాకీగా కూడా చేరాడు, అదే సమయంలో అనేక చలనచిత్రాలు మరియు టీవీ షోలకు డబ్బింగ్ మరియు గాత్రదానం చేస్తూ మంచి గుర్తింపు పొందాడు. అలాగే ఇతను 2013లో “పిజ్జా II: విల్లా” సినిమాతో రచయితగా సినీరంగంలోకి ప్రవేశించారు. 2015లో “ఇండియా పాకిస్తాన్” చిత్రంతో తన నటనా రంగ ప్రవేశం చేశాడు. ఆయన దర్శకత్వంలో వచ్చిన స్వతంత్ర చిత్రం “నారై ఎజుతుమ్ సుయాసరితం” (ఆంగ్ల శీర్షిక: ఎండ్‌లెస్) కూడా దృష్టిని ఆకర్షించింది, ఇందులో ఆయన ఢిల్లీ గణేష్ మరియు ఇతర నటులతో కలిసి నటించాడు. మణికందన్ తన నటన, రచన, మరియు సహజ నటన ప్రతిభతో తమిళ చిత్ర పరిశ్రమతో పాటు తెలుగు రాష్ట్రాలలో కూడా ప్రత్యేక గుర్తింపు పొందుతున్నాడు.

ఇక ‘ట్రూ లవర్’ సినిమాలోని అన్ని పాటలకు సంగీతాన్ని అందిచింది సీన్ రోల్డాన్. ఇతను ఒక ప్రతిభావంతుడైన భారతీయ సంగీత దర్శకుడు, గాయకుడు మరియు కవి. ప్రధానంగా తమిళ సినిమా పరిశ్రమలో పనిచేసే ఆయన, కర్ణాటక సంగీతం, స్వతంత్ర సంగీతం మరియు సినిమా పాటలతో ప్రేక్షకులను అలరిస్తున్నారు. తన స్వంత బ్యాండ్ “షాన్ రోల్డాన్ & ఫ్రెండ్స్” ద్వారా స్వతంత్ర తమిళ సంగీతంలోకి అడుగుపెట్టిన ఆయన త్వరగా ప్రసిద్ధి చెందారు. నిర్మాత సి.వి.కుమార్‌తో కలిసి పనిచేస్తూ, “వాయాయి మూడి పేసవుమ్” వంటి చిత్రాలకు సంగీతం అందించి తన ప్రతిభను చాటుకున్నారు.

ఈ సినిమాలోని ‘వెళిపోకే’ పాటను రాసింది రాకేందు మౌళి వెన్నెలకంటి. ఇతను ప్రసిద్ధ భారతీయ గేయ రచయిత, నటుడు, గాయకుడు మరియు సంభాషణల రచయిత, ప్రధానంగా తెలుగు చిత్రాలలో తన ప్రతిభతో ప్రసిద్ధి చెందారు. 1990 ఫిబ్రవరి 9న జన్మించిన ఆయన, ప్రముఖ తెలుగు గీత రచయిత వెన్నెలకంటి కుమారుడు. మౌళి తన కెరీర్‌ను “మనసు” మరియు “జండా పై కపిరాజు” చిత్రాలలో అసిస్టెంట్ డైరెక్టర్‌గా ప్రారంభించారు. 2012లో “అందాల రాక్షసి” చిత్రంతో తన సాహిత్య రంగ ప్రవేశం చేశారు, ఈ చిత్రం లోని “మనసు పలికే” పాటకు విశేషమైన ప్రశంసలు లభించాయి. 2015లో “మూడు ముక్కల్లో చెప్పాలంటే” చిత్రంతో నటనా రంగ ప్రవేశం చేశాడు, అక్కడ ప్రధాన పాత్రను పోషించారు. 2019లో, తమిళ చిత్రసీమలో “ఎనై నోకి పాయుమ్ తోట” అనే చిత్రంలో ధనుష్ స్నేహితుడిగా నటించి, తన సత్తాను మరింత విస్తరించారు. రాకేందు మౌళి తన రచనలు మరియు నటనతో తెలుగు మరియు తమిళ చిత్రసీమలో ప్రత్యేక గుర్తింపు పొందారు.

ఇక ఈ పాటను పాడింది సత్య ప్రకాష్. ఇతను 18 మార్చి 1990న మధురై జిల్లాలోని “శోలవందన్” అనే చిన్న గ్రామంలో జన్మించారు. ఆయన తండ్రి మిస్టర్ ధర్మర్ కోయంబత్తూర్‌లోని ఒక వార్తాపత్రిక కంపెనీలో పనిచేస్తున్నారు, కాగా తల్లి పిచ్చైఅమ్మాళ్ హోమ్ మేకర్. సత్య తన పాఠశాల విద్యను కోయంబత్తూరులోని మణి హయ్యర్ సెకండరీ స్కూల్‌లో (2007) పూర్తి చేసి, మహారాజా ఇంజనీరింగ్ కళాశాల, అవినాశి (2011) నుండి B.E మెకానికల్ ఇంజనీరింగ్ పూర్తి చేశారు. 8 సంవత్సరాల వయస్సులో, సత్య తన తాత యొక్క మద్దతుతో కర్ణాటక సంగీతం నేర్చుకోవడం ప్రారంభించారు. చిన్న వయసులోనే ప్రముఖ స్వరకర్త రామనాథ అయ్యర్‌తో కలిసి పనిచేసే అవకాశం లభించింది. అతను 2010లో ప్రముఖ విజయ్ టీవీ టాలెంట్ షో సూపర్‌సింగర్ సీజన్ 3లో పాల్గొని, ప్రముఖ సంగీత విద్వాంసుల న్యాయనిర్ణేతలచే “బెస్ట్ పెర్ఫార్మర్ ఆఫ్ ది గ్రాండ్ ఫినాలే” అవార్డును పొందాడు. ఈ సూపర్‌సింగర్ రియాల్టీ షో అతన్ని ప్లేబ్యాక్ సింగర్‌గా మార్చి, సంగీత రంగంలో మరింత ప్రాముఖ్యత ఇచ్చింది.

మీరు పాడుకోవడానికి సులభంగా తెలుగు మరియు ఇంగ్లీష్ భాషలలో “వెళిపోకే” పాట యొక్క సాహిత్యాన్ని (లిరిక్స్) యూట్యూబ్ వీడియోతో సహా క్రింద అందించడం జరిగింది.

పాట సమాచారం:

• పాట: వెళిపోకే (Velipoke)
• సినిమా: True Lover (ట్రూ లవర్)
• నటీనటులు: మనికందన్, శ్రీ గౌరి ప్రియ
• సినిమా దర్శకుడు: ప్రభురామ్ వ్యాస్
• సంగీత దర్శకుడు: సీన్ రోల్డాన్
• గేయరచయిత: రాకేందు మౌళి
• గాయకుడు: సత్య ప్రకాష్
• సినిమా విడుదల తేదీ: ఫిబ్రవరి 10, 2024
• లేబుల్: థింక్ మ్యూజిక్ ఇండియా

Velipoke Song Lyrics in Telugu

Velipoke Lyrics in English

వెళిపోకే దూరం దూరం వెళిపోకే Video Song

ట్రూ లవర్ సినిమాలో అరుణ్ అనే పాత్రలో మణికందన్ ఎంతో సమర్థంగా నటించాడు. ఈ పాత్రలో ఆయన భావోద్వేగాలు చాలా వైవిధ్యంగా ఉంటాయి: కొన్ని సీన్లలో కోపం మరియు భయం, మరికొన్ని సీన్లలో మాత్రం అయ్యో పాపం అనిపించే ఆవేదన. ఆరేళ్లుగా ప్రేమలో ఉన్న దివ్య, బ్రేకప్ చేయాలని ప్రయత్నిస్తున్నప్పుడు, అరుణ్ అప్పుడు ఆమెతో “నీ ఇష్టం వచ్చినట్టు ఉండు, నేనేమి నిన్ను ఇబ్బంది పెట్టను” అని బ్రతిమాలుకుంటాడు. కానీ చివరికి, దివ్య అతనిని వదిలించుకుని వెళ్లిపోతుంది. ఇలాంటి దృశ్యాలు వేరే సినిమాలలో కూడా కనిపిస్తాయి, అప్పుడు ప్రేక్షకులకు “అమ్మాయిదే తప్పు, ఒకసారి వాడికి అవకాశం ఇవ్వాలి” అని అనిపించవచ్చు. కానీ ఈ సినిమా భిన్నంగా ఉంటుంది; ఈ కథలో, అలాంటి వాడితో జీవితాంతం కలిసి ఉండడం కన్నా విడిపోతే మంచిదని అనిపించటమే నిజం. ఎందుకంటే, అరుణ్ తన ప్రేమను పాలు పంచుకుంటూ, దివ్య ఇతర అబ్బాయితో సరదాగా నవ్వుతూ మాట్లాడుతుంటే, అతనిలో అనుమానాలు మెలుకువ చేస్తాయి. ఈ క్రమంలో, దివ్యతో గొడవలు చేసుకుంటూ ఆమెను మానసికంగా బాధపెడుతుంటాడు.

ఈ “వెళిపోకే” పాటలో ప్రధాన పాత్రలు అరుణ్ (మణికందన్) మరియు దివ్య (శ్రీ గౌరి ప్రియ) మధ్య ఉన్న అనుబంధాన్ని ఆధారంగా ఉంది. ఈ పాటలో, అరుణ్ తన ప్రియమైన దివ్యను విడిచిపెట్టడానికి సిద్ధంగా లేకపోవడం వల్ల, ఆ బాధను వ్యక్తం చేస్తాడు. పాటలోని భావనలు, అరుణ్ యొక్క గుండె నుండి వస్తున్న భావాలను మరియు దివ్యతో ఉన్న సంబంధంలోని ఆందోళనలను వివరిస్తాయి. ఈ పాట, దివ్య మరియు అరుణ్ మధ్య ఉన్న ప్రత్యేక అనుబంధాన్ని, వారి జీవితంలో ఎదుర్కొన్న కష్టాలను చక్కగా ప్రతిబింబిస్తుంది. దివ్యకు ఉన్న మంచి ఉద్యోగం, అరుణ్‌లోని అనుమానం వల్ల తలెత్తే గొడవలు వారి ప్రేమను క్షీణింపజేస్తాయి. అయితే, వీరిద్దరు ఒకరికొకరు ఎంతగానో ప్రాధాన్యం ఇస్తున్నారో, పరస్పర ప్రేమకు గల బంధాన్ని అనుభవిస్తారు. ఈ నేపథ్యంలో, వారి అనుభంధాన్ని, కోల్పోయిన ప్రేమను మరియు దాని వెనుక ఉన్న భావాలను అర్థం చేసుకోవడం ద్వారా, “వెళిపోకే” పాట మనకు ప్రేమలోని సున్నితమైన అంశాలను మరియు సంబంధాలలో ఎదురయ్యే సంక్లిష్టతలను నొక్కించడానికి ఒక ముఖ్యమైన సందేశాన్ని ఇస్తుంది.