Sooseki Song Lyrics – Pushpa 2 The Rule (2024) | Shreya Ghoshal

‘సూసేకి‘ పాట యొక్క లిరిక్స్‌ను (Sooseki Song Lyrics) ఈ పోస్ట్‌లో అందించడం జరింగింది. ఇది 2024లో విడుదలైన పుష్ప 2: ది రూల్ (Pushpa 2 The Rule) అనే తెలుగు సినిమాలోని పాట. సుకుమార్ రచనా దర్శకత్వంలో తెరకెక్కిన ఈ సినిమాలో అల్లు అర్జున్, రష్మిక, ఫహాద్ ఫాజిల్ ప్రధాన పాత్రలో నటిస్తున్నారు. ఇది పుష్ప ది రైజ్ (2021) సినిమాకు సీక్వెల్ గా రూపొందుతున్నా చిత్రం. పుష్ప ది రైజ్ సినిమా ఏమాత్రం అంచనా లేకుండా విడుదలై భారీ హిట్ సినిమాగా నిలిచింది.

అల్లుఅర్జున్ కు మన తెలుగు రాష్ట్రాలతో పాటు కేరళ, కొద్దిగా కర్ణాకటాలో మంచి మార్కెట్ ఉండేది ఈ సినిమాకు ముందు. ఎప్పుడైన పుష్ప ది రైజ్ సినిమా విడుదలైందో ఈ సినిమాలోని పుష్ప రాజ్ క్యారెక్టర్ దేశం మొత్తం మంచి ఇంపాక్ట్ కలిగించింది. పుష్పరాజ్ తన మేనరిజంతో, బాడీ లాంగ్వేజ్తో, తన డైలాగ్ డెలివరీతో దేశవ్యాప్తంగా ప్రేక్షకులను ఆకట్టుకున్నాడు. అది మాత్రమే కాదండోయ్, మన తెలుగు హీరోలకు గత అరవై ఏళ్ళ నుంచి దక్కని నేషనల్ అవార్డు ఈ సినిమాలోని పుష్పరాజ్ క్యారెక్టర్ చేసిన అల్లుఅర్జున్ దక్కింది. అంటే ఆ క్యారెక్టర్ అంత ఇంపాక్ట్ అంతలా ఉంది. మొదటి పార్ట్ అంతగా ఎవరికీ తెలియకుండా మరీ అంత బజ్ కూడా క్రియేట్ కాకుండా విడుదలై సునామి సృష్టించింది. అందుకే ఈసారి దాదాపు రెండు సంవత్సరాల తర్వాత గట్టిగా బాక్స్ ఆఫీస్ ను కొట్టడానికి సిద్ధమై డిసెంబర్ 6, 2024న విడుదలకు సిద్ధమవుతూ ఉంది.

సుకుమార్ మరియు అల్లుఅర్జున్ మంచి స్నేహితులు. వీరి స్నేహం ఆర్య (2004) సినిమాతో మొదలైంది. ఆర్య సుకుమార్ కు దర్శకుడిగా మొదటి సినిమా. అలాగే ఇది గంగోత్రి (2003) తర్వాత హీరోగా అల్లుఅర్జున్ కు రెండవ చిత్రం. సో మంచి ఎనర్జిటిక్ రోమాంటిక్ లవర్ బాయ్ గా అల్లుఅర్జున్ ఆర్య సినిమా పేరు తీసుకువస్తే, సుకుమార్ కు స్టార్ డైరెక్టర్ గా నిలబెట్టింది. సుకుమార్ దర్శకుడు మాత్రమే కాదు, నిర్మాతగా మారి “కుమారి 21ఎఫ్” (2015), “ఉప్పెన” (2021), “విరూపాక్ష” (2023) వంటి సినిమాలను సుకుమార్ రైటింగ్స్ బ్యానర్ కింద నిర్మించారు. ఈయన సినిమా రంగంలోకి రాకముందు కాకినాడలో ఉన్న జూనియర్ కళాశాలలో సుమారు ఏడేళ్ల పాటు గణిత మరియు భౌతిక శాస్త్రం పాఠాలు బోధించారు. తర్వాత సినిమాలపై ఉన్న మక్కువతో రచయితగా పనిచేయడం ప్రారంభించి, ఎడిటర్ మోహన్‌తో కలిసి పనిచేశారు. తరువాత దిల్ (2003) చిత్రానికి V. V. వినాయక్‌కు అసిస్టెంట్ గా పనిచేశారు.

ఇక ఈ పుష్ప 2 ది రూల్ సినిమాలోని పాటలకు సంగీతాన్ని దేవీ శ్రీ ప్రసాద్ అందించారు. ఈయన పుష్ప ది రైజ్ సినిమాలో ఇచ్చిన పాటలు ఏంత హిట్ అయ్యాయో ప్రత్యేకంగా చెప్పక్కరలేదు. ముఖ్యంగా శ్రీవల్లి పాటైతే ఓ ఊపు ఊపేసింది. చాలామంది ఆ పాటలోని స్టెప్స్ లకు రీల్స్ చేసి సోషియల్ మీడియాలో పోస్ట్ చేసి, ఆ పాటపై మరియు ఆ క్యారెక్టర్స్ పై వాళ్ళ ప్రేమను చూపించుకున్నారు. ఇప్పుడు అదే స్థాయి ఇంపాక్ట్ ను పాటల ద్వారా క్రియేట్ చేయడానికి దేవిశ్రీ ప్రసాద్ సిద్దమైనట్టు కనిపిస్తుంది. ఈ చిత్రంలోని సంగీత హక్కులు టీ-సిరీస్ తీసుకుంది. మొదటి సింగిల్ అయిన “పుష్ప పుష్ప” 2024 మే 1న విడుదలైంది. రెండవ సింగిల్ “సూసేకి (ది కప్పుల్ సాంగ్)” 2024 మే 29న విడుదలైంది. అలాగే ఇప్పటి వరకు విడుదలైన రెండు పాటలకు సాహీత్యాన్ని ఆస్కార్ అవార్డు గ్రహిత చంద్రబోస్ అందించారు. మీరు పాడుకోవడానికి సులభంగా తెలుగు మరియు ఇంగ్లీష్ భాషలలో “సూసేకి” పాట యొక్క సాహిత్యాన్ని (లిరిక్స్) యూట్యూబ్ వీడియోతో సహా క్రింద అందించడం జరిగింది.

పాట సమాచారం:

• పాట: సూసేకి (Sooseki)
• సినిమా: Pushpa 2 The Rule
• తారాగణం: అల్లుఅర్జున్, ఫహద్ ఫాజిల్, రష్మిక మందన్న
• సినిమా దర్శకుడు: సుకుమార్
• సంగీత దర్శకుడు: దేవి శ్రీ ప్రసాద్
• గేయరచయిత: చంద్రబోస్
• గాయని: శ్రేయ ఘోషాల్
• సినిమా విడుదల తేదీ: డిసెంబర్ 6, 2024
• లేబుల్: టీ-సిరీస్ తెలుగు

Sooseki Song Lyrics in Telugu

Sooseki Lyrics in English

సూసేకి అగ్గిరవ్వ మాదిరే Video Song

ఈ సూసేకి పాట 29 మే 2024న తెలుగుతో పాటు కన్నడ, తమిళ్, మళయాళం మరియు హింది భాషలలో విడుదలైంది. చిత్రబృందం ఈ పాటను కపుల్ సాంగ్ అనే హ్యాష్ ట్యాగ్ తో ప్రమోట్ చేసింది. ఈ పాటను లిరికల్ వీడియో కమ్ సాంగ్ మేకింగ్ వీడియోగా విడుదల చేశారు. ఆ వీడియోలో ఒక పాటను చిత్రీకరించడానికి ఎంతమంది పనిచేస్తారో, ఎంత కష్టపడుతుంటారో తెలుస్తూ ఉంటుంది. దీనికి కొరియోగ్రాఫర్ గా గణేశ్ ఆచార్య గారు పనిచేశారు. ఇతను కొరియోగ్రాఫర్ మాత్రమే కాదూ దర్శకుడు మరియు నటుడిగా హిందీ సినీరంగంలో కొనసాగుతున్నారు. చూడడానికి పెద్ద శరీరంతో ఉన్న కూడా ఇవేవి తన ట్యాలెంట్ కు అడ్డు రావు అన్నట్టు ఎన్నో సూపర్ డూపర్ హిట్ పాటలకు చాలా సింపుల్ డ్యాన్స్ స్టెప్పులతో కొరియోగ్రాఫ్ చేశారు. పెద్దగా డ్యాన్స్ రాని నటులను ఎక్కువగా బయపెట్టకుండా చాలా సింపుల్ డ్యాన్స్ మూవ్స్ తో అవి కూడా చూడడానికి చాలా ఎఫెక్టీవ్ గా ఉండేలా చూసుకుంటాడు.

ఇక సూసేకి పాట లిరిక్స్ కూడా వావ్ అనేలాగా ఉంటాయి. సమాజంలో ఒక పెద్ద వ్యక్తిలాగా చలామణి అవుతున్న తన భర్త గురించి చాలా గొప్పగా చెబుతూనే, తను నా దగ్గర చిన్న పిల్లవాడిలా ఉంటాడు, బయట ఎంతమందికి దానాలు ఇచ్చిన కూడా నా దగ్గరకు వచ్చేటప్పటికి అడిగి మరి చిన్న చిన్న ముద్దులను తీసుకుంటాడు. ఇలా చాలా రొమాంటిక్ గా నాటీగా తన భర్త సమాజంలో ఎలా ఉంటాడో, తన దగ్గర ఎలా ఉంటాడో కంపేర్ చేస్తూ చెబుతున్నట్టు ఉంటాయి లిరిక్స్.